2014 جىلعى 24 قازان, استانا قالاسى
مۆا جانە DBA كاسىپتىك ءبىلىم بەرۋ باعدارلامالارى شەڭبەرىندەمامانداردى دايارلاۋ مازمۇنى مەندەڭگەيىنە قويىلاتىن ەڭ تومەنگىتالاپتاردى بەكىتۋ تۋرالى
قازاقستان رەسپۋبليكاسى ۇكىمەتىنىڭ 2012 جىلعى 23 تامىزداعى № 1080 قاۋلىسىمەن بەكىتىلگەن جوعارى وقۋ ورنىنان كەيىنگى ءبىلىمنىڭ جالپىعا مىندەتتى ءبىلىم بەرۋ ستاندارتىنىڭ 1-تاراۋىنىڭ 5-تارماعىنا جانە 2-تاراۋىنىڭ 6-تارماعىنا سايكەس بۇيىرامىن:
1. مىنالار:
1) 1-قوسىمشاعا سايكەس مۆا كاسىپتىك ءبىلىم بەرۋ باعدارلامالارى شەڭبەرىندە مامانداردى دايارلاۋ مازمۇنى مەن دەڭگەيىنە قويىلاتىن ەڭ تومەنگى تالاپتار;
2) 2-قوسىمشاعا سايكەس DBA كاسىپتىك ءبىلىم بەرۋ باعدارلامالارى شەڭبەرىندە مامانداردى دايارلاۋ مازمۇنى مەن دەڭگەيىنە قويىلاتىن ەڭ تومەنگى تالاپتار بەكىتىلسىن.
2. جوعارى, جوعارى وقۋ ورنىنان كەيىنگى ءبىلىم جانە حالىقارالىق ىنتىماقتاستىق دەپارتامەنتى (ج.ق. شايماردانوۆ):
1) وسى بۇيرىقتىڭ بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) مەملەكەتتىك تىركەۋدەن وتكەن سوڭ وسى بۇيرىقتى بۇقارالىق اقپارات قۇرالدارىندا جاريالاۋدى;
3) وسى بۇيرىقتى قازاقستان رەسپۋبليكاسى ءبىلىم جانە عىلىم مينيسترلىگىنىڭ رەسمي ينتەرنەت-رەسۋرسىندا ورنالاستىرۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ ءبىلىم جانە عىلىم ۆيتسە-ءمينيسترى ت.و. بالىقباەۆقا جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
ءمينيستردىڭ مىندەتىن اتقارۋشى ت. بالىقباەۆ.
قازاقستان رەسپۋبليكاسى ءبىلىم جانە عىلىم ءمينيسترىنىڭ م.ا.
2014 جىلعى 24 قازانداعى №441 بۇيرىعىنا 1-قوسىمشا
مۆا كاسىپتىك ءبىلىم بەرۋ باعدارلاماسى شەڭبەرىندە مامانداردى دايارلاۋ
مازمۇنى مەن دەڭگەيىنە قويىلاتىن ەڭ تومەنگى تالاپتار
1. جالپى ەرەجە
1. وسى مۆا كاسىپتىك ءبىلىم بەرۋ باعدارلاماسى شەڭبەرىندە مامانداردى دايارلاۋ مازمۇنى مەن دەڭگەيىنە قويىلاتىن ەڭ تومەنگى تالاپتار (بۇدان ءارى – تالاپتار) ىسكەرلىك اكىمشىلىك ماگيسترلەرىن دايىنداۋداعى ءبىلىم بەرۋ باعدارلاماسىنىڭ (بۇدان ءارى – مۆا باعدارلاماسى) مازمۇنى مەن ماگيستراتۋرا بىتىرۋشىلەرىن دايىنداۋ دەڭگەيىنىڭ جالپى ادىستەمەلەرىن بەلگىلەيدى.
2. تالاپتار جوعارى ءبىلىم بەرۋ سالاسىنداعى حالىقارالىق قۇجاتتارمەن ۇيلەستىرىلگەن. «ECTS قولدانۋشىنىڭ باسشىلىعى» (ECTS Users, Guide); ECTS باعدارلاماسىنىڭ ۇسىنىستارىمەن, European Quality Link (EQUAL) «European MBA Guidelines» ۇسىنىستارىمەن, امۆا (Association of MBAs, ۇلىبريتانيا) حالىقارالىق ۇيىمىنىڭ مۆا باعدارلامالارى اككرەديتاتسياسىنىڭ ولشەمدەرىمەن.
3. تالاپتاردى ولاردىڭ ۆەدومستۆولىق باعىنۋشىلىعىنا, ۇيىمدىق-قۇقىقتىق ءتۇرى مەن وقۋ تۇرىنە قاراماستان, مۆا باعدارلاماسى بويىنشا مامانداردى دايىنداۋدى ىسكە اسىراتىن بارلىق ۇيىمداردىڭ قولدانۋى مەن ساقتاۋى مىندەتتى.
4. بۇل قۇجاتتا كەلەسى تەرميندەر مەن انىقتامالار قولدانىلادى:
1) بيزنەس-ءبىلىم بەرۋ – مەكەمەنى باسقارۋعا قاتىساتىن جانە باسقارۋ مىندەتتەرىنىڭ كەشەندى جانە فۋنكتسيونالدىارالىق سيپاتتاعى جاعدايىندا وزدىگىنەن شەشىم قابىلداي الاتىن جوعارى جانە ورتا توپتاردىڭ جەتەكشى-مەنەدجەرلەرىن دايىنداۋ جونىندەگى اعارتۋشىلىق قىزمەت;
2) كوشپەلى مودۋل – ماگيسترانتتاردىڭ مۆا ءبىلىم بەرۋ باعدارلاماسىنىڭ جەكەلەگەن پاندەرىن شەتەلدىك جوعارى وقۋ ورىندارىندا, ونىڭ ىشىندە سەرىكتەس - جوو ارقىلى مەڭگەرۋى;
3) ماگيسترلىك ديسسەرتاتسيا نەمەسە جوبا – ۇجىمدى (مەكەمەنى) باسقارۋ ماسەلەلەرىن جۇيەلى قاراۋعا باعىتتالعان قولدانبالى سيپاتتاعى مۆا باعدارلاماسى بويىنشا ماگيسترانتتاردىڭ وزدىك نەمەسە توپتىق زەرتتەۋ جۇمىسى;
4) مۆا باعدارلاماسى – جەتەكشىلىك, ستراتەگيالىق باسقارۋ مەن كاسىبي وڭتايلاندىرۋعا ءوزىنىڭ توبىنىڭ ورتاسىندا ۇيىمداستىرۋ ۇردىسىنە ۇلەسىن قوسۋ ءۇشىن قاجەتتى ءارى ايرىقشا تاجىريبەسى بار تۇلعالارعا ارنالعان كاسىبي دامۋدىڭ جالپى (دجەنەراليستىك) سيپاتتاعى باعدارلاماسى;
5) وقۋدىڭ مودۋلدىق فورماتى – بەلگىلى ءبىر ۋاقىت كەزەڭىندە مەڭگەرىلگەن, ءبىلىمدى باقىلاۋدىڭ ءتيىستى فورماسىمەن اياقتالاتىن ءبىر نەمەسە بىرنەشە پاندەردى قوسا العانداعى وقۋ باعدارلاماسى مازمۇنىنىڭ لوگيكالىق اياقتالعان ءتۇرى;
6) ىسكەرلىك اكىمشىلىك ماگيسترى – مۆا باعدارلاماسىن مەڭگەرگەن تۇلعالارعا بەرىلەتىن اكادەميالىق دارەجە;
7) ەxecutive MBA (ەمۆا) – ماقساتتى اۋديتوريانى ەسكەرە وتىرىپ, توپ-مەنەدجەرلەردى دايىنداۋعا باعىتتالعان مۆا باعدارلاماسى.
2. مۆا ءبىلىم بەرۋ باعدارلاماسىنىڭ قۇرىلىمىنا مەن مازمۇنىنا قويىلاتىن تالاپتار
5. مۆا ءبىلىم بەرۋ باعدارلاماسى ۆەدومستۆولىق باعىنۋشىلىعى مەن جەكەمەنشىك تۇرىنە قاراماستان ءبىلىم بەرۋ قىزمەتىن جۇرگىزۋگە قۇقىقتىق ليتسەنزياسى جانە ماگيستراتۋرانىڭ «ىسكەرلىك اكىمشىلىك» ماماندىعى بويىنشا ليتسەنزياسى بار جوعارى وقۋ ورنىندا (بۇدان ءارى -جوو) ىسكە اسىرىلادى.
6. جوو باعدارلامانىڭ وزىندىك ەرەكشەلىگىن, ماگيسترانتتار توبىنىڭ سيپاتاماسىن جانە ولاردىڭ العان ءبىلىمنىڭ قورىتىندى ناتيجەلەرىن, سونداي-اق باسقا دا ماقساتتى باعدارلارىن ەسكەرەتىن مۆا باعدارلاماسىنىڭ ميسسياسىن جاسايدى.
7. جوو وقىتۋ نىسانى مەن تەحنولوگياسىن دەربەس انىقتايدى.
8. مBA ءبىلىم بەرۋ باعدارلاماسىن مەڭگەرۋدىڭ نورماتيۆتىك ۇزاقتىعى 2 جىل, ال ەمۆا باعدارلاماسى بويىنشا – 1 جىلدان كەم ەمەس.
9. ءبىلىم بەرۋ باعدارلاماسىنىڭ قۇرىلىمى ءبىلىم بەرۋ مازمۇنىن انىقتايتىن جانە ولاردىڭ ارا قاتىناسىن, ولشەمىن جانە ەسەبىن كورسەتەتىن وقۋ جانە زەرتتەۋلىك جۇمىستاردىڭ ءارتۇرلى وقۋ تۇرلەرى ارقىلى قالىپتاسادى.
10. ەلەكتيۆتى پاندەر تىزبەسى عىلىمي كەڭەسپەن بەكىتىلىپ, دايىنداۋ جانە ماماندانۋ باعىتىنا سايكەس ءوز بەتىنشە جوو-مەن انىقتالادى. مىندەتتى كومپونەنتتى پاندەردى الىپ تاستاۋعا نەمەسە كرەديتتەر كولەمىن قىسقارتۋعا جول بەرىلمەيدى.
11. تاڭداۋ كومپونەنتتەرى بويىنشا ءبىلىمدى, بىلىكتىلىك پەن داعدىلاردى قالىپتاستىرۋدى قامتاماسىز ەتەتىن پاندەر تىزبەسى جوو-مەن ءوز بەتىنشە انىقتالادى.
12. مۆا ءبىلىم بەرۋ باعدارلاماسىنىڭ قۇرىلىمى سونىمەن قاتار:
1) تاجىريبەلىك ۇيعارىمدارى مەن پىكىرلەرى بار ماگيسترلىك ديسسەرتاتسيا نەمەسە جوبانىڭ ورىندالۋىن;
2) ماگيسترانتتاردىڭ ەكسپەرتتىك-زەرتتەۋلىك جۇمىستارىن قاراستىرادى.
ماگيسترلىك ديسسەرتاتسيا/جوبادا مەكەمە مەن ۇجىمداردى باسقارۋداعى ماسەلەلەردىڭ كەشەندى فۋنكتسيونالدىارالىق قارالعاندىعى كورسەتىلەدى.
ماگيسترلىك ديسسەرتاتسيا/جوبا:
1) قورعالىپ وتىرعان ديسسەرتاتسيالىق جۇمىس/جوبانىڭ ماماندانۋدىڭ نەگىزگى ماسەلەلەرىنە سايكەس بولۋى;
2) وزەكتىلىگى, عىلىمي جاڭاشىلدىعى مەن تاجىريبەلىك ماندىلىگىنىڭ بولۋى;
3) وتاندىق جانە شەتەلدىك عىلىم مەن تاجىريبەنىڭ زاماناۋي تەوريالىق جانە ادىستەمەلىك جەتىستىكتەرىنە نەگىزدەلۋى;
4) عىلىمي زەرتتەۋلەردىڭ زاماناۋي ادىستەرىن قولدانۋى;
5) كومپيۋتەرلىك تەحنولوگيالاردى قولدانا وتىرىپ, وڭدەۋدىڭ جاڭا ادىستەرى مەن بەرىلگەن مالىمەتتەر تالداۋلارىنا نەگىزدەلۋى;
6) قويىلعان ماسەلەلەردى شەشۋ بويىنشا قورىتىندى مەن ۇسىنىستار شىعارۋ قاجەت.
13. مۆا جانە Executive مۆا (ەمۆا) ءبىلىم بەرۋ باعدارلاماسىنىڭ مازمۇنى 1- قوسىمشاعا سايكەس بەلگىلەنەدى.
14. مۆا ءبىلىم بەرۋ باعدارلاماسى:
1) كاسىبي بىلىكتىلىك جانە تۇلعالىق دامۋدى, جەتەكشىلىك قاسيەتتەردى قالىپتاستىرۋ پاندەرىن;
2) كاسىپتىك تاجىريبەنى (وندىرىستەن قول ءۇزىپ وقيتىن تۇلعالار ءۇشىن);
3) ماگيسترلىك ديسسەرتاتسيا نەمەسە جوبانىڭ ورىندالۋىن;
4) قورىتىندى مەملەكەتتىك اتتەستاتسيانى قۇرايدى.
15. كاسىپتىك بىلىكتىلىكتى قالىپتاستىراتىن ءبىلىم بەرۋ باعدارلامالارى مىندەتتى جانە ەلەكتيۆتى كومپونەنتتى پاندەردەن تۇرادى.
ەلەكتيۆتى پاندەر تىزبەسى بەلگىلى ءبىر بيزنەس-سالاسىنا ارنالعان مۆا باعدارلاماسىنىڭ دايىنداۋ مەن ماماندانۋ باعىتىنا سايكەس انىقتالادى.
16. مۆا ءبىلىم بەرۋ باعدارلاماسى اياسىندا ماگيسترلەردى دايىنداۋ ءار ءتۇرلى باعىتتار بويىنشا جانە جالپى ءپروفيلدى (general manager) كاسىپتىك باسقارۋعا دايىنداۋ تالاپتارىن ورىنداعان جاعدايدا ىسكە اسىرىلادى, سونىمەن قاتار كورپوراتيۆتىك باعدارلاما بويىنشا.
17. ماگيسترانت جەكە وقۋ جوسپارىن (جوج) مىندەتتى كومپونەنت پاندەرىن جانە ەلەكتيۆتى پاندەر كاتالوگىن (ەپك) نەگىزىندە قالىپتاستىرادى. جوج ماگيسترانتتىڭ جەكە ءبىلىم تراەكتورياسىن انىقتايدى.
3. مۆا ءبىلىم بەرۋ باعدارلاماسى بويىنشا مامانداردى
دايىنداۋ شارتتارىنا قويىلاتىن تالاپتار
18. مۆا باعدارلاماسىنداعى وقىتۋشىلىق زەرتتەۋلىك, عىلىمي قىزمەت جانە كونسالتينگتىك باسقارۋ جۇرگىزۋگە قاتىستىرىلعان پروفەسسورلىق-وقىتۋشىلىق قۇرامنىڭ جوعارى دەڭگەيىمەن قامتاماسىز ەتىلەدى.
19. كادرلىق قامتاماسىز ەتۋگە قويىلاتىن تالاپتار.
1) مۆا, DBA, PhD دارەجەلەرىنىڭ بولۋى/ وقىتۋشىلىق قۇرامنىڭ عىلىمي دارەجەسى 75% كەم بولماۋى;
2) بيزنەستەگى ءىس تاجىريبەلىك قىزمەتىنىڭ ءوتىلى 5 جىلدان كەم ەمەس وقىتۋشىلار 25%;
3) وقىتۋشى قۇرامىنىڭ 15% شەتەلدىك وقىتۋشىلار/ شەتەلدە تاجىريبەدەن وتكەن نەمەسە وقىعان, بيزنەستى دامىتۋ سالاسىندا فۋندامەنتالدى, قولدانبالى زەرتتەۋ جاساعاندار بولۋى.
20. وقۋ-ادىستەمەلىك قامسىزداندىرۋ تالاپتارى.
جوو ماگيسترانتتاردىڭ ءبىلىم بەرۋ باعدارلاماسىن ساپالى مەڭگەرۋى ءۇشىن وقۋ ءۇردىسىن وقۋ-ادىستەمەلىك جانە اقپاراتتىق ماتەريالدارمەن قامتاماسىز ەتەدى. مۆا باعدارلاماسىن ىسكە اسىرۋ حالىقارالىق اقپاراتتىق جەلىلەرگە, كىتاپحانا قورىنا, كومپيۋتەرلىك تەحنولوگيالارعا, مەتوديكالىق قۇرالدار مەن ساباق بەرەتىن پاندەرىنىڭ, سونىمەن قاتار ديسسەرتاتسيالىق جۇمىستارىنىڭ زەرتتەمەلەرىنە ەركىن كىرۋدى قاماتاماسىز ەتەدى.
وقۋ جانە كىتاپحانا زالدارى ينتەرنەتپەن, بارىنشا كەڭ تارالعان كاسىبي پەريوديكالىق باسىلىمداردان تۇراتىن ەلەكتروندى مالىمەتتەر بازاسىمەن جابدىقتالادى.
مۆا باعدارلامالارى تىڭداۋشىلارعا وقۋ ورنىنان جانە وقۋ ۋاقىتىنان تىس كەزدەرىندە ونلاين-پلاتفورما ارقىلى قولداۋ كورسەتەدى.
21. ماتەريالدىق-تەحنيكالىق قامتاماسىز ەتۋ تالاپتارى.
مۆا باعدارلاماسىن ىسكە اسىراتىن جوو-نىڭ قولدانىستاعى سانيتارلى-تەحنيكالىق نورمالارعا ساي, وقۋ جوسپارىندا قاراستىرىلعان تەوريالىق جانە پراكتيكالىق دايىندىقتاردىڭ بارلىق ءتۇرىن جۇرگىزۋگە, سونداي-اق ماگيسترانتتىڭ ەكسپەريمەنتتىك-زەرتتەۋ جۇمىستارىن ءتيىمدى ورىنداۋىنا قولايلى ماتەريالدىق-تەحنيكالىق بازاسى بولۋى قاجەت.
جوو زاماناۋي ءبىلىم بەرۋ تەحنولوگيالارى مەن قاجەتتى الەۋمەتتىك قىزمەتتەردى قولدانۋ ارقىلى مۆا باعدارلاماسىن ىسكە اسىرۋ جاعدايىمەن قامتاماسىز ەتەدى.
4. مۆا ءبىلىم بەرۋ باعدارلاماسىن ويداعىداي مەڭگەرگەن تۇلعالاردى دايىنداۋ دەڭگەيىنە قويىلاتىن تالاپتار
22. مۆا تۇلەكتەرىنىڭ باستى قۇزىرەتتەرىنە قويىلاتىن تالاپتار.
مۆا باعدارلاماسى تۇلەگىنىڭ قۇزىرەتتەرى تومەندەگىدەي ءبىلىم مەن بىلىكتىلىكپەن انىقتالادى:
1) زاماناۋي نارىقتىق ورتادا ۇجىم قىزمەتىنىڭ ستراتەگيالىق ۇستانىم جاعىنان بيزنەستى باسقارۋ ءمانىن;
2) مۇددەلى جاقتارمەن (ستەيكحولدەرلەرمەن) ۇيىمنىڭ جابدىقتارىن, ولاردىڭ ءوزارا ارەكەت ەتۋ مەحانيزمدەرىن, ۇزاقمەرزىمدى جوسپارلارىمەن سىرتقى كونتەكست جاعدايلارىنداعى جۇمىس ىستەۋ پرينتسيپتەرىن;
3) ستراتەگيالىق باسقارۋداعى كوشباسشىلىق تۇجىرىمدارىن;
4) باسقارۋدىڭ قازىرگى امالدارى;
5) مەنەدجمەنتتىڭ اناليتيكالىق ادىستەرى, دياگنوستيكانىڭ, تالداۋ مەن ماسەلەنى شەشۋ ادىستەرى, سونداي-اق تاجىريبەدەگى شەشىم قابىلداۋ جانە ونى ىسكە اسىرۋ ادىستەرى;
6) بيزنەستىڭ جاھاندانۋ ماعىناسىن.
7) بيزنەستىڭ پروبلەمالىق اسپەكتىلەرىنە تالداۋ جاساۋ جانە شەشىمدەرىن ىزدەستىرۋ;
8) سىرتقى ورتانىڭ اسەرىن ءبىلۋ جانە ونى باسقارۋدىڭ تاجىريبەلىك ماسەلەلەرىن شەشۋ كەزىندە ەسكەرۋ;
9) تەوريانىڭ, قازىرگى كەزدەگى زەرتتەۋلەر مەن تاجىريبە تالاپتارىنان شىعاتىن مەنەدجمەنتتىڭ ءار ءتۇرلى فۋنكتسيونالدى اسپەكتىلەرىن ينتەگراتسيالاۋ;
10) كومپانيانى باسقارۋداعى ماسەلەلەردى شەشۋگە ماركەتينگىلىك جانە قارجىلىق ادىستەردى قولدانۋ;
11) حالىقارالىق ورتادا باسەكەلەستىك ۇستانىممەن بيزنەستى جۇرگىزۋ مەن باسقارۋ ماسەلەلەرىن قاراۋ.
5. مۆا ءبىلىم بەرۋ باعدارلاماسىن مەڭگەرگەندىگىن كۋالاندىراتىن قۇجاتتار
23. مۆا باعدارلاماسى بويىنشا وقۋدى بىتىرگەن تۇلعالارعا «ىسكەرلىك اكىمشىلىك ماگيسترى» اكادەميالىق دارەجەسىمەن مەملەكەتتىك ۇلگىدەگى ديپلوم جانە جۇمىس وقۋ جوسپارى بويىنشا وقىعان پاندەرىنىڭ باعالارى مەن يگەرىلگەن كرەديتتەر ساندارىنىڭ تىزبەسى كورسەتىلگەن ديپلومعا (ترانسكريپت) قوسىمشا بەرىلەدى.
مۆا كاسىپتىك ءبىلىم بەرۋ باعدارلاماسى شەڭبەرىندە مامانداردى دايارلاۋ مازمۇنى مەن دەڭگەيىنە قويىلاتىن ەڭ تومەنگى تالاپتارعا 1-ءشى قوسىمشا
مۆا جانە Executive مۆا (ەمۆا) ءبىلىم بەرۋ باعدارلاماسى
№ بلوكتار مەن پاندەردىڭ اتاۋى مۆا كرەديتىنىڭ كولەمى ەمۆا كرەديتىنىڭ كولەمى
1 كاسىپتىك بىلىكتىلىكتى قالىپتاستىراتىن پاندەر بلوگى 33 26
1) مىندەتتى كومپونەنت: 4 4
ستراتەگيالىق مەنەدجمەنت 2 2
بيزنەس-زەرتتەۋ 2 2
2) ەلەكتيۆتى كومپونەنت 29 22
كوشپەلى مودۋل/ شەتەلدە تاجىريبەدەن ءوتۋ* - -
2 تۇلعا رەتىندە دامۋ مەن جەتەكشىلىك قاسيەتتەر پاندەرىنىڭ بلوگى 7 7
1) كوشپەلى مودۋل / شەتەلدە تاجىريبە*
3 ەكسپەريمەنتتى-زەرتتەۋلىك جۇمىس, ماگيسترلىك ديسسەرتاتسيا/جوبانىڭ ورىندالۋى 3 3
وندىرىستىك تاجىريبە** 2*** كەم ەمەس
4 قورىتىندى اتتەستاتسيا (كەشەندى ەمتيحان جانە ماگيسترلىك ديسسەرتاتسيانى/جوبانى قورعاۋ) 2 2
بارلىعى 45 38
ەسكەرتۋ
*كوشپەلى مودۋل نەمەسە شەتەلدە تاجىريبەدەن ءوتۋ مەن كرەديتتەر سانى ەلەكتيۆتى كومپونەنتكە كىرەدى.
**تاجىريبە وندىرىستەن قول ءۇزىپ وقيتىن ماگيسترانتتار ءۇشىن قاراستىرىلعان
***تاجىريبەگە بولىنگەن كرەديتتەر سانى جالپى ەڭبەك اۋقىمدىلىعىنا كىرمەيدى.
قازاقستان رەسپۋبليكاسى ءبىلىم جانە عىلىم ءمينيسترىنىڭ م.ا.
2014 جىلعى 24 قازانداعى №441 بۇيرىعىنا 2-قوسىمشا
DBA كاسىپتىك ءبىلىم بەرۋ باعدارلاماسى شەڭبەرىندە مامانداردى دايارلاۋدىڭ ەڭ تومەنگى مازمۇنى مەن دەڭگەيىنە قويىلاتىن تالاپتار
1. جالپى ەرەجە
1. وسى DBA كاسىپتىك ءبىلىم بەرۋ باعدارلاماسى شەڭبەرىندە مامانداردى دايارلاۋدىڭ ەڭ تومەنگى مازمۇنى مەن دەڭگەيىنە قويىلاتىن تالاپتار (بۇدان ءارى – تالاپتار) ىسكەرلىك اكىمشىلىك دوكتورلارىن دايىنداۋ ءبىلىم بەرۋ باعدارلاماسىنىڭ (بۇدان ءارى – DBA باعدارلاماسى) مازمۇنى مەن دوكتورانتۋرا بىتىرۋشىلەرىن دايىنداۋ دەڭگەيىنىڭ جالپى ادىستەمەلەرىن بەلگىلەيدى.
2. تالاپتار جوعارى ءبىلىم بەرۋ سالاسىندا حالىقارالىق قۇجاتتارمەن ۇيلەستىرىلگەن. «ECTS قولدانۋشىنىڭ باسشىلىعى» (ECTS Users, Guide); ECTS باعدارلاماسىنىڭ ۇسىنىستارى; European Quality Link (EQUAL) «European MBA Guidelines» ۇسىنىستارى; امۆا (Association of MBAs, ۇلىبريتانيا) حالىقارالىق ۇيىمىنىڭ Dۆا باعدارلامالارى اككرەديتاتسياسىنىڭ ولشەمدەرى.
3. تالاپتاردى ولاردىڭ ۆەدومستۆولىق باعىنۋشىلىعىنا, ۇيىمدىق-قۇقىقتىق ءتۇرى مەن وقۋ تۇرىنە قاراماستان, Dۆا باعدارلاماسى بويىنشا مامانداردى دايىنداۋدى ىسكە اسىراتىن جوعارى وقۋ ورىندارىنىڭ (بۇدان ءارى – جوو) قولدانۋى مەن ساقتاۋى مىندەتتى.
4. ولارعا قوسىمشا رەتىندە كەلەسى تەرميندەر مەن انىقتامالار بەرىلدى:
1) بيزنەس-ءبىلىم بەرۋ – مەكەمەنى باسقارۋعا قاتىساتىن جانە باسقارۋ مىندەتتەرىنىڭ كەشەندى جانە فۋنكتسيونالدىارالىق سيپاتتاعى جاعدايىندا وزدىگىنەن شەشىم قابىلداي الاتىن جوعارى جانە ورتا توپتاردىڭ جەتەكشى-مەنەدجەرلەرىن دايىنداۋ جونىندەگى اعارتۋشىلىق قىزمەت;
2) كوشپەلى مودۋل – دوكتورانتتاردىڭ Dۆا ءبىلىم بەرۋ باعدارلاماسىنىڭ جەكەلەگەن پاندەرىن شەتەلدىك جوعارى وقۋ ورىندارىنا, ونىڭ ىشىندە جوو-سەرىكتەستەرگە شىعۋ ارقىلى مەڭگەرۋى;
3) وقۋدىڭ مودۋلدىق فورماتى – بەلگىلى ءبىر ۋاقىت كەزەڭىندە مەڭگەرىلگەن, ءبىلىمدى باقىلاۋدىڭ ءتيىستى فورماسىمەن اياقتالاتىن ءبىر نەمەسە بىرنەشە پاندەردى قوسا العانداعى وقۋ باعدارلاماسى مازمۇنىنىڭ لوگيكالىق اياقتالعان ءتۇرى;
4) ىسكەري اكىمشىلىك دوكتورى: Dۆا باعدارلاماسىن مەڭگەرگەن تۇلعالارعا بەرىلەتىن دارەجە;
5) DBA دوكتورانتۋراسىنىڭ باعدارلاماسى – Dۆا باعدارلاماسى باسقارۋدا ۇلكەن تاجىريبەسى بار, زاماناۋي تۇجىرىمدامالار مەنەدجمەنت مودەلدەرىن تەرەڭ مەڭگەرۋگە جانە دامىتۋعا, ءوزىنىڭ تاجىريبەسىن جيناقتاۋعا جانە بيزنەس سالاسىندا سۇرانىسقا يە جاڭا قولدانبالى عىلىمي زەرتتەۋلەر مەن كونسالتينگ (كەڭەس بەرۋ) جۇرگىزۋگە مۇددەلى جوعارى توپتىڭ مەنەدجەرلەرىنە ارنالعان;
6) DBA دوكتورلىق ديسسەرتاتسياسى: تەوريالىق ەرەجەسى وڭدەلگەن, جاڭا عىلىمي جەتىستىك رەتىندە مامانداندىرىلعان, عىلىمي ماسەلەلەرى شەشىلگەن, الەۋمەتتىك-ەكونوميكالىق ماعىناسى بار, نەمەسە عىلىمي-دايەكتى ەكونوميكالىق جانە باسقاراتىن شەشىمدەرى مازمۇندالعان, وزدىگىنەن جۇرگىزگەن زەرتتەۋى بيزنەس ورتا مەن تۇتاستاي العاندا ەلىمىز ەكونوميكاسىنىڭ دامۋىنا قوماقتى ۇلەس اكەلەتىن عىلىمي-زەرتتەۋ جۇمىسى.
2. Dۆا ءبىلىم بەرۋ باعدارلاماسىنىڭ قۇرىلىمى مەن مازمۇنىنا قويىلاتىن تالاپتار
5. Dۆا ءبىلىم بەرۋ باعدارلاماسى ۆەدومستۆولىق باعىنۋشىلىعى مەن جەكەمەنشىك تۇرىنە قاراماستان ءبىلىم بەرۋ قىزمەتىن جۇرگىزۋگە قۇقىقتىق ليتسەنزياسى جانە دوكتورانتۋرانىڭ «ىسكەرلىك اكىمشىلىك» ماماندىعى بويىنشا ليتسەنزياسى بار جوو-دا ىسكە اسىرىلادى.
6. جوو باعدارلامانىڭ وزىندىك ەرەكشەلىگىن, دوكتورانتتار توبىنىڭ سيپاتاماسىن جانە ولاردىڭ العان ءبىلىمنىڭ قورىتىندى ناتيجەلەرىن, سونداي-اق باسقا دا ماقساتتى باعدارلارىن ەسكەرەتىن Dۆا باعدارلاماسىنىڭ ميسسياسىن جاسايدى.
7. وقىتۋ نىسانى مەن تەحنولوگياسىن جوو دەربەس انىقتايدى.
8. Dۆا ءبىلىم بەرۋ باعدارلاماسىن مەڭگەرۋدىڭ نورماتيۆتىك ۇزاقتىعى 3 جىلدان كەم ەمەس.
9. Dۆا باعدارلاماسىنىڭ قۇرىلىمى ەكى بىردەي: ۇيىمداستىرۋ جانە عىلىمي كومپونەنتتەن تۇرادى.
10. Dۆا دوكتورانتۋراسىنىڭ ءبىلىم بەرۋ باعدارلاماسى ءار ءتۇرلى جۇمىس تۇرلەرىنەن جانە سونىمەن قاتار:
1) تەوريالىق وقىتۋدان;
2) دوكتورلىق ديسسەرتاتسيانى ورىنداۋدى قوسا العاندا, عىلىمي-زەرتتەۋلىك جۇمىستان;
3) قورىتىندى اتتەستاتسيادان تۇرادى.
11. وقۋ جانە عىلىمي جۇمىستاردىڭ ەڭبەك سىيىمدىلىعى مەڭگەرىلگەن كرەديتتەر سانىمەن ولشەنەدى. تاڭداۋ پاندەر تىزبەسى جانە كرەديتتەر كولەمى جۇمىسبەرۋشىنىڭ جانە ەڭبەك نارىعىنىڭ تالاپتارىنا سايكەس جوو-نىڭ وزدىگىنەن بەكىتىلەدى.
12. Dۆا باعدارلاماسىنىڭ مازمۇنى 1-ءشى قوسىمشاعا سايكەس بەلگىلەنەدى.
13. Dۆا ءبىلىم بەرۋ باعدارلاماسىنىڭ عىلىمي كومپونەنتى دوكتورانتتىڭ عىلىمي-زەرتتەۋ جۇمىسى, عىلىمي جاريالانىمدار جانە دوكتورلىق ديسسەرتاتسيانى جازۋ ارقىلى قالىپتاسادى.
14. دوكتورانتتىڭ زەرتتەۋىنىڭ ناتيجەلەرى كەمىندە 7 (جەتەۋ) عىلىمي باسىلىمدا, جۋرنالدا, ونىڭ ىشىندە كەمىندە 3 (ۇشەۋى) حالىقارالىق عىلىمي كونفەرەنتسيالاردا ۇسىنىلعان الىس شەتەلدىك عىلىمي باسىلىمدا جاريالانادى.
15. ىسكەرلىك اكىمشىلىك دوكتورلارىن دايىنداۋ دەڭگەيىنە قويىلاتىن تالاپتار ءبىلىم بەرۋ باعدارلامالارىنىڭ مازمۇنىمەن بەلگىلەنەدى. Dۆا باعدارلاماسىن ىسكە اسىرۋشى جوو, بەلگىلەنگەن تارتىپپەن وقۋ جوسپارلارىن, سونداي-اق وقۋ پاندەرىنىڭ باعدارلامالارىن ازىرلەيدى جانە بەكىتەدى.
16. Dۆا ءبىلىم بەرۋ باعدارلاماسىنىڭ مازمۇنى قازاقستاندىق بيزنەس پەن مەنەدجمەنتتىڭ ەرەكشەلىكتەرى مەن قالىپتاسقان ۇستانىمدارىن, حالىقارالىق بيزنەس پەن شەتەلدىك باسقارۋ تاجىريبەسىن وقۋدى ەسكەرە وتىرىپ ازىرلەنەدى.
17. Dۆا باعدارلاماسى دوكتورانتتاردىڭ سونىمەن بىرگە قولدانبالى سيپاتتاعى ساباقتارعا: كومپيۋتەرلىك, ىسكەرلىك ويىندارعا, ناقتى ءجايتتاردى تالداۋعا, پسيحولوگيالىق جانە باسقا ترەنينگتەر مەن كونسۋلتاتسيالارعا, مەنەدجەرلەر داعدىسىن دامىتۋ ماقساتىنداعى قولدانبالى جوبالاردىڭ قورىتىندىلارىن تالقىلاۋعا قاتىسۋىن قاراستىرادى.
18. Dۆا باعدارلاماسى بويىنشا دوكتورانتتىڭ عىلىمي-زەرتتەۋ جۇمىستارىنا قويىلاتىن تالاپتار.
دوكتورانتتىڭ عىلىمي-زەرتتەۋ جۇمىسى:
1) Dۆا باعدارلاماسى كاسىبي ماماندىعىنا سايكەس كەلۋى;
2) وزەكتىلىگى, عىلىمي جاڭاشىلدىعى مەن تاجىريبەلىك ماندىلىگىنىڭ بولۋى;
3) عىلىم مەن تاجىريبەنىڭ زاماناۋي تەوريالىق, ادىستەمەلىك جانە تەحنولوگيالىق جەتىستىكتەرىنە نەگىزدەلۋى;
4) كومپيۋتەرلىك تەحنولوگيالاردى قولدانا وتىرىپ, بەرىلگەن مالىمەتتەردى تالداۋدا وڭدەۋدىڭ جاڭا ادىستەرىمەن نەگىزدەلۋى;
5) عىلىمي زەرتتەۋلەردىڭ زاماناۋي ادىستەرىن قولدانۋ ارقىلى ورىندالۋى;
6) نەگىزگى قورعالاتىن ەرەجەنىڭ عىلىمي-زەرتتەۋ (ادىستەمەلىك, تاجىريبەلىك) تاراۋلارىنىڭ بولۋى ءتيىس.
19. عىلىمي-زەرتتەۋ جۇمىستارىنىڭ ناتيجەسىن دوكتورانت ءاربىر كەزەڭنىڭ سوڭىندا ارالىق ەسەپ تۇرىندە رەسىمدەيدى.
20. عىلىمي-زەرتتەۋ جۇمىستارىنىڭ ناتيجەسى بويىنشا دوكتورانتتار دوكتورلىق ديسسەرتاتسيانى دايىندايدى.
21. Dۆا باعدارلاماسىنىڭ دوكتورانتتارىنا عىلىمي جەتەكشىلىكتى باسقارۋ, كونسالتينگ جۇمىستارىندا تاجىريبەسى بار, Dۆا اكادەميالىق دارەجەسىنە يە نەمەسە عىلىمي-زەرتتەۋلىك/اكادەميالىق تاجىريبەسى بار عىلىم دوكتورلارى/عىلىم كانديداتتارى اراسىنان سايلانعان 2 كونسۋلتانت ارقىلى ىسكە اسىرىلادى.
3. Dۆا ءبىلىم بەرۋ باعدارلاماسى بويىنشا مامانداردى دايىنداۋ شارتتارىنا قويىلاتىن تالاپتار
22. Dۆا باعدارلاماسى جوو-دا عىلىم دوكتورى, كانديداتى دەگەن عىلىمي اتاعى نەمەسە حالىقارالىق تاجىريبەسى جانە جاريالانىمدارى, كاسىپتىك ءبىلىمى مەن داعدىلارى بار تۇلعالار ارقىلى ىسكە اسىرىلادى.
23. كادرمەن قامتاماسىز ەتۋگە قويىلاتىن تالاپتار:
1) DBA, PhD دارەجەلەرىنىڭ بولۋى/وقىتۋشىلىق قۇرامنىڭ عىلىم كانديتاتى/عىلىم دوكتورى عىلىمي دارەجەسىنىڭ 90% كەم بولماۋى;
2) بيزنەستەگى تاجىريبەلىك قىزمەتىنىڭ ءوتىلى 7 جىلدان كەم ەمەس وقىتۋشىلار 25%;
3) وقىتۋشى قۇرامىنىڭ 40% شەتەلدىك وقىتۋشىلار/شەتەلدە تاجىريبەدەن وتكەن نەمەسە وقىعان, بيزنەستى دامىتۋ سالاسىندا فۋندامەنتالدى, قولدانبالى زەرتتەۋ جاساعاندار.
Dۆا باعدارلاماسىن ىسكە اسىرۋ كەزىندە جەتەكشى بيزنەسمەندەرمەن جانە مەنەدجەر-پراكتيكتەرمەن, عىلىمي ساراپشىلار جانە كونسۋلتانتتارمەن, ونىڭ ىشىندە Dۆا باعدارلاماسىن ويداعىداي مەڭگەرگەن تۇلعالارمەن ىسكەري تاجىريبەنىڭ, عىلىمي ءبىلىم مەن كەرى بايلانىسپەن قامتۋ تالاپتارىن ەسكەرۋ ماقساتىندا ءتيىمدى ءوزارا ارەكەت جاسالادى.
24. وقۋ-ادىستەمەلىك قامتاماسىز ەتۋ تالاپتارى:
وقۋ ۇدەرىسىن وقۋ-ادىستەمەلىك ماتەريالدارمەن قامتاماسىز ەتۋ ءبىلىم بەرۋ باعدارلاماسىن ساپالى مەڭگەرۋ مۇمكىندىگىنە كەپىلدىك بەرەدى. Dۆا باعدارلاماسىن ىسكە اسىرۋ حالىقارالىق اقپاراتتىق جەلىلەرگە, كىتاپحانا قورىنا, كومپيۋتەرلىك تەحنولوگيالارعا, ادىستەمەلىك قۇرالدار مەن ساباق بەرەتىن پاندەرىنىڭ, سونىمەن قاتار ديسسەرتاتسيالىق جۇمىستارىنىڭ زەرتتەمەلەرىنە ەركىن كىرۋدى كامتاماسىز ەتەدى.
25. ماتەريالدىق-تەحنيكالىق قامتاماسىز ەتۋ تالاپتارى.
Dۆا باعدارلاماسىن ىسكە اسىراتىن جوو-نىڭ قولدانىستاعى سانيتارلى-تەحنيكالىق نورمالارعا ساي, وقۋ جوسپارىندا قاراستىرىلعان تەوريالىق جانە پراكتيكالىق دايىندىقتاردىڭ بارلىق ءتۇرىن جۇرگىزۋگە, سونداي-اق دوكتورانتتىڭ تاجىريبەلىك-زەرتتەۋ جۇمىستارىن ءتيىمدى ورىنداۋىنا قولايلى (اۋديتوريا قورى, كومپيۋتەرلىك سىنىپتار, زەرتحانالار, قۇرال-جابدىقتار, قور ماتەريالدارى, قاشىقتىقتان وقىتۋ تەحنولوگيالارى) ماتەريالدىق-تەحنيكالىق بازاسى بولۋى قاجەت.
4. Dۆا باعدارلاماسىن ويداعىداي مەڭگەرگەن تۇلعالاردى دايىنداۋ دارەجەسىنە قويىلاتىن تالاپتار
26. Dۆا باعدارلاماسىن ويداعىداي مەڭگەرگەن جانە سوعان لايىقتى ديپلوم العان دوكتورانتتار:
1) ۇيىمداستىرۋدىڭ جۇيەلى ادىستەمەسىن ءبىلۋ, باسقارۋ مەن مەنەدجمەنتتىڭ اناليتيكالىق زاماناۋي ادىستەرىن, دياگنوستيكانىڭ, تالداۋدىڭ ادىستەرى مەن پروبلەمالاردى شەشە ءبىلۋ, سونداي-اق شەشىم قابىلداۋدىڭ ادىستەرىن بىلۋمەن قاتار جانە ولاردى تاجىريبەدە ىسكە اسىرا ءبىلۋى;
2) مەنەدجمەنتتىڭ پراكتيكالىق ماسەلەلەرىن كاسىبي بىلىكتىلىكپەن شەشۋى جانە ول شەشىمدەردى ومىردە ىسكە اسىرۋ, باسقارۋدىڭ فۋنكتسيالارىن ورىنداۋعا دايىن بولۋى جانە كاسىبي پروبلەمالاردى تۇتاستاي ۇجىمنىڭ مۇددەسىنە شەشە ءبىلۋى;
3) باسقارۋ لاۋازىمىمەن اينالىسۋعا لايىقتى جانە نارىقتىق ەكونوميكانىڭ ەرەكشەلىكتەرى مەن مۇمكىندىكتەرىن, مىندەتتەرى مەن مەملەكەتتىڭ ەكونوميكالىق ءرولىن, ەكولوگيالىق پروبلەمالاردى ءتۇسىنۋى, بيزنەستىڭ الەۋمەتتىك جاۋاپكەرشىلىگىن مويىنداۋ جانە ونى جۇرگىزۋدىڭ وركەنيەتتى ەتيكالىق نورمالارىن ۇستانۋعا قاجەتتى ءبىلىمدى, شەبەرلىك پەن داعدىلاردى ءبىلۋى ءتيىس;
4) قازاقستاننىڭ الەۋمەتتىك-ەكونوميكالىق دامۋ پەرسپەكتيۆالارى مەن زاماناۋي پروبلەمالارىنا باعا بەرە ءبىلۋ, الەمدىك ەكونوميكا مەن جاھاندانۋداعى دامۋدىڭ قازىرگى اعىمدارىن ءتۇسىنۋ, حالىقارالىق باسەكەلەستىك ماسەلەلەرىن باعدارلاي ءبىلۋى ءتيىس.
27. Dۆا باعدارلاماسىن مەنەدجمەنت سالاسىندا ويداعىداي مەڭگەرگەن دوكتورانتتار:
1) بيزنەستىڭ ءمانى مەن ۇجىمدى ستراتەگيالىق باسقارۋدى ءتۇسىنۋ, ۇجىمنىڭ ميسسياسى مەن ماقساتىن انىقتاۋ, ونىڭ باسەكەلەستىك ورتاداعى مىقتى جانە ءالسىز جاقتارىن تالداي ءبىلۋ, وسى نەگىزدە ۇجىمنىڭ ستراتەگياسىن جاساۋى;
2) مەنەدجمەنتتىڭ قازىرگى زامانعى اناليتيكالىق قۇرالدارىن, ۇيىمداستىرۋدىڭ جۇيەلى ءادىسىنىڭ ءادىسناماسىن, تالداۋ مەن ماسەلەنى شەشۋ ادىستەرىن, سونداي-اق شەشىم قابىلداي ءبىلۋ مەن پراكتيكادا ونى ىسكە اسىرۋ ادىستەرىن يگەرە ءبىلۋى;
3) مەكەمە قىزمەتىنىڭ ۇجىمدىق قۇرىلىمىن, بالامالىق ستراتەگياسىن, ماقساتى مەن مىندەتتەرىن, قىزمەتتىڭ ىشكى جانە سىرتقى جاعدايلارىن جاساۋ, قىزمەتكەرلەر وكىلەتتىلىگى مەن جاۋاپكەرشىلىگىن بەلگىلەۋدى, بيزنەس-ۇدەرىستەردى تالداۋ مەن جوسپارلاۋدى ىسكە اسىرۋدى جەتىلدىرۋى;
4) مەكەمەدەگى ادامي رەسۋرستاردى ءتيىمدى باسقارۋعا ارنالعان ءبىلىمى مەن داعدىسىنىڭ بولۋى, ءوزىنىڭ جەتەكشىلىك داعدىلارىن دامىتۋعا, داۋلاردى باسقارۋدا ۇستانىمدارى مەن ادىستەرىنىڭ بولۋى, ۇيىمدىق قۇرىلىمدى قالىپتاستىرا ءبىلۋى;
5) ستراتەگيالىق, اعىمدىق جۇيەلەردى ازىرلەۋ, شۇعىل جوسپارلاۋ مەن باقىلاۋدى, قىزمەتتىڭ ءار ءتۇرلى سالاسىندا باسقارۋ وپەراتسيالارىنىڭ ۇستانىمدارى مەن قازىرگى زامانعى ادىستەرىن مەڭگەرۋ, ساپالى باسقارۋ جۇيەسىنىڭ تۇجىرىمداماسىن, پرينتسيپتەرى مەن ادىستەرىن ءبىلۋى;
6) ءوز ۋاقىتىندا ۇيىمداستىرا ءبىلۋ, توپتارمەن جۇمىس ىستەۋگە قابىلەتتى, ءتيىمدى قارىم-قاتىناستاردى, ىسكەري حات الماسۋدى ىسكە اسىرۋ, كەلىسسوزدەر جۇرگىزۋدە تۇساۋكەسەر جاساۋ ونەرىن ءبىلۋى, ىسكەري ەتيكەتتى مەڭگەرۋى ءتيىس.
28. Dۆا باعدارلاماسىن ماركەتينگ سالاسىندا ويداعىداي مەڭگەرگەن دوكتورانتتار:
1) ماركەتينگتىك ءىس-شارالار مەن مەكەمەنىڭ قۇرىلىمىن ۇشتاستىرا ءبىلۋدى, سونداي-اق ماركەتينگتىك قىزمەتتى ۇيىمداستىرۋ, ونى ءتيىمدى باقىلاۋدى ىسكە اسىرۋ, ماركەتينگ سالاسىندا رەسۋرستاردى ءتيىمدى پايدالانۋدى قامتاماسىز ەتۋ;
2) نارىق پەن نارىقتىق كونيۋنكتۋرانىڭ اناليزدەرىنە قاجەتتى بىلىكتىلىگىنىڭ بولۋى, تۇتىنۋشىلاردىڭ مىنەز-قۇلقىن ءبىلۋى, ساتىلىمدى جانە ءتيىمدى تاۋار اينالىمىن ۇيىمداستىرۋ, نارىقتا تاۋاردىڭ العا ىلگەرىلەۋىن, ونىمدەردى تاراتۋ جەلىلەرىن قالىپتاستىرۋ, ءونىمنىڭ باسەكەگە قابىلەتتىلىگىن باعالاي ءبىلۋ جانە ونى جەتىلدىرۋ بويىنشا ءىس-شارالار ازىرلەۋ;
3) جارنامانى, بۇقارالىق اقپارات قۇرالدارىن قولدانۋ, فيرما مەن ونىڭ تاۋارلارى جايلى قوعامنىڭ وڭ پىكىرىن قالىپتاستىرۋعا ارنالعان, باسەكەگە قابىلەتتىلىكتى ارتتىرۋ جانە تاۋاردىڭ ماركاسىن نىعايتۋ ماقساتىندا PR-شارالاردى پايدالانا ءبىلۋى ءتيىس.
29. Dۆا باعدارلاماسىن قارجى سالاسىندا ويداعىداي مەڭگەرگەن دوكتورانتتار:
1) فيرمانىڭ قارجىلىق ماقساتتارى مەن قۇرىلىمىن قالىپتاستىرا ءبىلۋ, ءوندىرىستىڭ شىعىندارىن باسقارۋ تۇرعىسىنان باعالاۋ, مەكەمە قىزمەتىن ماكرو جانە ميكروەكونوميكالىق فاكتورلارمەن ۇشتاستىرۋ;
2) مەكەمەنىڭ قارجىلىق بىلىمدەرىن مەڭگەرۋ جانە قارجىلىق مەنەدجمەنت قۇرالدارىن بيلەۋ, بالانستىڭ ءتيىمدى قۇرىلىمىن انىقتاي ءبىلۋ, مەكەمەنىڭ مۇددەسىنە ساي قارجى جۇمساۋدىڭ نەگىزگى باعىتتارىن بەلگىلەۋ, مەكەمە اكتيۆتەرى مەن پاسسيۆتەرىنىڭ ەڭ تاڭداۋلى قۇرىلىمىن قالىپتاستىرۋ, قارجى ناتيجەلەرىنىڭ ديناميكاسىن رەتتەپ وتىرۋ;
3) ينۆەستيتسيالىق ساياساتتى قالىپتاستىرۋ جانە ىسكە اسىرۋ, ينۆەستيتسيالىق جوبالاردى تالداۋ مەن تاڭداۋدى, قارجى لەگىن ىسكە اسىرۋ, ولاردىڭ قىزمەت بارىسىنداعى تاجىريبەگە ەنگىزىلۋىن ۇيىمداستىرۋ;
4) اينالىمداعى قارجىلاردى جانە مەكەمەنىڭ قىسقامەرزىمدى مىندەتتەرىن كەشەندى شۇعىل باسقارۋعا ارنالعان ءبىلىمى مەن داعدىسىنىڭ بولۋى, قىزمەتتىڭ قارجىلىق ناتيجەلەرىنە ولاردىڭ ىقپالى تۇرعىسىنان مەكەمەنىڭ قارجىلىق رەزەرۆتەرىن باعالاي ءبىلۋى ءتيىس.
30. Dۆا باعدارلاماسىن قارجىلىق جانە باسقارۋ ەسەبى سالاسىندا ويداعىداي مەڭگەرگەن دوكتورانتتار:
1) بۋحگالتەرلىك ەسەپتىك ءبىلىم نەگىزىندە باسقارۋدىڭ ادىستەرىن, شەشىم قابىلداۋعا ارنالعان باسقارۋ ەسەبىن پايدالانا جانە ونى قۇرا ءبىلۋ, شىعىنداردى ەسەپكە الۋ جانە باقىلاۋ;
2) قارجى, بۋحگالتەرلىك ەسەپ, اۋديت جانە سالىق سالاسىنىڭ زاڭدارىن ءبىلۋى;
3) ەسەپتىك-اناليتيكالىق, باقىلاۋ-رەۆيزيالىق, اۋديتورلىق جانە كونسالتينگ جۇمىستارىنىڭ داعدىلارىن ءبىلۋى;
4) كومپانيانىڭ قارجىلىق دياگنوستيكاسىنىڭ ادىستەمەسىن جانە باسقارۋ تاپسىرمالارىن شەشۋ كەزىندە ونىڭ شەشىمدەرىن پايدالانۋ داعدىلارىن ءبىلۋى ءتيىس.
5. Dۆا باعدارلاماسىن مەڭگەرگەندىگىن كۋالاندىراتىن قۇجاتتار
31. Dۆا باعدارلاماسى بويىنشا وقۋدى بىتىرگەن تۇلعالارعا «ىسكەرلىك اكىمشىلىك دوكتورى» دارەجەسىمەن مەملەكەتتىك ۇلگىدەگى ديپلوم جانە وقۋ جۇمىس جوسپارى بويىنشا وقىعان پاندەرىنىڭ باعالارى مەن يگەرىلگەن كرەديتتەر ساندارىنىڭ تىزبەسى كورسەتىلگەن ديپلومعا قوسىمشا (ترانسكريپت) بەرىلەدى.
DBA كاسىپتىك ءبىلىم بەرۋ باعدارلاماسى شەڭبەرىندە مامانداردى دايارلاۋ مازمۇنى مەن دەڭگەيىنە قويىلاتىن ەڭ تومەنگى تالاپتارىنا 1-ءشى قوسىمشا
Dۆا باعدارلاماسىنىڭ مازمۇنى
№ بلوكتار مەن پاندەردىڭ اتاۋى كرەديت كولەمى
1 كاسىپتىك بىلىكتىلىكتى قالىپتاستىراتىن پاندەر بلوگى 24
1.1 مىندەتتى كومپونەنت: 3
زەرتتەۋ ادىستەمەسى 3
1.2 ەلەكتيۆتى كومپونەنت 21
كوشپەلى مودۋل*/ شەتەلدە تاجىريبەدەن ءوتۋ* 4*
2 تۇلعا رەتىندە دامۋ مەن جەتەكشىلىك قاسيەتتەر پاندەرىنىڭ بلوگى 6
ەلەكتيۆتى كومپونەنت 6
3 دوكتورلىق ديسسەرتاتسيانى ورىنداۋدى قوسا العاندا, عىلىمي-زەرتتەۋلىك جۇمىس 24
4 قورىتىندى اتتەستاتسيا (كەشەندى ەمتيحان جانە دوكتورلىق ديسسەرتاتسيانى قورعاۋ) 6
4.1 كەشەندى ەمتيحان (كە) 1
4.2 دوكتورلىق ديسسەرتاتسيانى راسىمدەۋ جانە قورعاۋ (دق) 5
بارلىعى 60 كەم ەمەس
ەسكەرتۋ
* كوشپەلى مودۋل مەن تاجىريبەدەن ءوتۋدىڭ كرەديتتەر سانى ەلەكتيۆتى كومپونەنتكە كىرەدى
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 17 ساۋىردەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 9339 بولىپ ەنگىزىلدى.